Ese umwana ashobora kuvukana imitezi?

Imitezi ni indwara yandura cyane ikaba akenshi yandurira mu mibonano mpuzabitsina. Icyakora no kuba wagira aho uhurira n’ibyavuye ku wuyirwaye bishobora kuyanduza aho dusanga ko umugore ubyara ayanduza umwana ari kuvuka. Iyi ndwara ikwira vuba kandi ikunda kwibasira abagirana imibonano mpuzabitsina idakingiye n’abantu benshi. Iyi ndwara kandi ku bagabo badakebye (badasiramuye) bashobora kuyandura batanakoze

imibonano, kubera kudasukura bihagije igitsina cyabo noneho mikorobi iyitera yahagera ikororoka.

Neisseria gonorrheae, itera imitezi

          Imitezi iterwa n’iki?

Imitezi iterwa na mikorobe yo mu bwoko bwa bagiteri yitwa Neisseria gonorrheae, ikaba ikura ku buryo bworoshye iyo igeze ahari ururenda mu mubiri. Bivuze ko iyi mikorobi ikura cyane iyo igeze mu myanya ndangagitsina y’umugore, mu nkondo y’umura, mu mura, no mu miyoborantanga, ku bagore. Ku bagabo yororokera cyane mu muyoboro w’inkari, ari naho hanyura amasohoro. Iyi bagiteri kandi ishobora no gukurira mu kanwa ku bakora imibonano mu kanwa, mu kibuno ku batinganyi, no mu muhogo.

          Iyi ndwara irangwa n’iki?

Ntabwo abantu bose banduye iyi ndwara bagaragaza ibimenyetso, niyo mpamvu ushobora kwandura utabizi. Iyo  ibimenyetso  bije,  biza  hagati  y’iminsi  2  n’iminsi  10  nyuma  yo  gukora  imibonano  idakingiye,  gusa bishobora no kuza nyuma y’iminsi 30.

Iyo bije ku bagore no ku bagabo si bimwe.

Ku mwana uyivukanye

Umwana wavukanye imitezi aninda amshyira mumaso mukwezi kwambere umwana avutse.  

Umwana wavukanye imitezi

Ku bagore

          Mu gitsina hasohokamo ibisa n’umweru cyangwa umuhondo umeze nk’uvanzemo icyatsi

          Kubabara mu kiziba cy’inda

          Kokerwa cyane iyo uri kunyara

          Gutukura amaso akazamo n’imirishyi

          Kuva nk’uri mu mihango, kandi atari igihe cyayo

          Kubyimba ibice by’inyuma by’igitsina

          Kuribwa uri gukora imibonano

          Kokerwa mu muhogo, iyo ukora imibonano mu kanwa

          Kubyimba mu muhogo

Ku bagore  benshi  ibimenyetso  biza bidakanganye ku  buryo  byijyana  utanabimenye ko  byari  ibimenyetso by’indwara.

Ku bagabo

 Mu gitsina hasohokamo ibimeze nk’amashyira bishobora kuba nk’umweru cyangwa umuhondo uvanze n’icyatsi

          Kokerwa uri kunyara

          Kubabara no kubyimba amabya

          Kokerwa mu muhogo iyo ukoresha ururimi mu gitsina cy’umugore

          Kubyimba mu muhogo.

Ku bagabo akenshi ibimenyetso biza hagati y’iminsi 2 n’iminsi 14 nyuma yo kwandura.

Kuzana amashyira mu gitsina, byerekana ko wanduye